Kaos te Liverpooli para ndeshjes me Interin, Salah kërcënon me largim

Liverpooli në trazira para Interit: Salah sulmon Slotin dhe kërcënon të largohet, kurse trajneri rrezikon shkarkimin. Interi po monitoron nga afër zhvillimet tek.gjiganti angoez. Liverpooli, kundërshtari i radhës i Nerazzurrëve në Ligën e Kampionëve (e martë në orën 21:00 në San Siro), po përjeton një krizë të rëndë rezultatesh, e përkeqësuar nga tensioni midis Mohamed Salah dhe Arne Slot, cili u bë publik pas komenteve të djeshme nga egjiptiani. Kampionët në fuqi të Anglisë po vijnë nga një fillim i dobët i sezonit pas një fushate fenomenale transferimesh: aktualisht në vendin e tetë në Premier League dhe gjashtë humbje në 15 ndeshjet e tyre të para. Gjërat nuk po shkojnë më mirë në Ligën e Kampionëve, me vendin e trembëdhjetë në fazën e grupeve dhe dy humbje në tre ndeshje. "Fitili" u ndez pas barazimit 3-3 kundër Leeds, të pësuar në minutën e 96-të, një ndeshje në të cilën Salah qëndroi në stol për 90 minuta. Ishte përjashtimi i tretë radhazi i egjiptianit nga formacioni titullar, dhe ai bëri një deklaratë të zjarrtë pas ndeshjes: "Jam shumë i zhgënjyer. Kam bërë kaq shumë për këtë klub... Tani jam në stol dhe nuk e di pse. Ndihem sikur klubi më ka hedhur poshtë; mendoj se është shumë e qartë se dikush dëshiron të më hedhë të gjithë fajin mua." Më pas Salah konfirmoi përçarjen e plotë me Slot: "Nuk kemi më asnjë marrëdhënie me trajnerin. Kam marrë shumë premtime gjatë verës dhe deri më tani kam qenë në stol për tre ndeshje. Nuk e di pse, por ndiej sikur dikush nuk më do në klub." Emri i nxehtë për ta zëvendësuar Arne.Slot është një legjendë e klubit: Steven Gerrard. Ish-kapiteni, i cili kohët e fundit refuzoi një rikthim te Rangers, thuhet se është kandidati numër një për të marrë rolin në mënyrë të përkohshme dhe për të provuar të shpëtojë sezonin. Emri i Julian Nagelsmann mbetet gjithashtu në plan të dytë, sepse pronarëve u pëlqen shumë gjermani, por ai do të jetë i disponueshëm vetëm pas Kupës së Botës verën e ardhshme.