Kanadaja e zë vendin e tretë në Botëror, e mposht Amerikën

Kanadaja e ka fituar medaljen e bronztë pasi për vendin e tretë në Kampionatin Botëror, mposhti Shtetet e Bashkuara të Amerikës. Kanadezët triumfuan ndaj amerikanëve vetëm me anë të vazhdimeve me rezultat 127-118. Ndeshjen më mirë e filluan kanadezët duke triumfuar me shifrat 34-25 në çerekun e parë. Ndërkohë në të dytin, amerikanët u kthyen në lojë duke e fituar me rezultat 31-24. Në periudhën e tretë, kanadezët triumfuan me rezultat 33-26. Ndërsa në çerekun e katërt amerikanët fituan me rezultat 29-20, duke e dërguar ndeshjen në vazhdime, pasi koha e rregullt përfundoi me rezultat 111-111. Në vazhdime, kanadezët triumfuan me rezultat 16-7, duke e zënë kështu vendin e tretë. /Klankosova.tv.