Kampanja evropiane e Ligës së Kampionëve nis më 9 korrik, Ballkani përballet me kampionin e Andorrës

Ballkani ka shënuar sukses duke arritur që të kualifikohet në kampanjën evropiane të Ligës së Kampionëve. Ndeshjet fillojnë që nga 9 korriku e Ballkani do të ballafaqohet me kampionin e Andorrës, UE Santa Coloma, shkruan Klankosova.tv. E klubi nga Kosova ka dal me një thirrje për tifozët e tij: Të dashur tifozë të kampionit të Kosovës, Ashtu siç tashmë është e ditur, kampanjën evropiane në Ligën e Kampionëve e nisim të martën e 9 korrikut. Përball nesh kemi kampionin e Andorrës, UE Santa Coloma. Kjo skuadër është më e suksesshmja në shtetin ku garon, pasi 13 herë ka fituar titullin kampion, 10 triumfe ka në Kupë e 7 në Superkupë. Ballafaqimi me ne është i treti për këtë klub sa i përket ndeshjeve me skuadra të Kosovës, pasi më parë ishte përballur në fazën para-kualifikuese me Dritën dhe Feronikelin. Përbërja aktuale e skuadrës së tyre është kryesisht me lojtarë spanjoll, plot 18, derisa vetëm 3 futbollistë janë nga Andorra. “Estadi Comunal d’Andorra la Vella” është një stadium modest me 1249 ulëse, ku Santa Coloma zhvillon ndeshjet në Ligën e tyre, derisa në Evropë, shfrytëzohet stadiumi kombëtar “Andorra la Vella” kapaciteti i të cilit është 3306 vende. Forma më e lartë në historinë e këtij klubi, ishte në vitin e kaluar, ku në kualifikimet për UEFA Europa Conference League, arritën deri në raundin e tretë. Na priftë e mbara!