Shkrimtari i njohur shqiptar, Ismail Kadare, e ka ndjekur ceremoninë e ndarjes së Çmimit Nobel i ulur në një nga lokalet në zonën e Liqenit Artificial në Tiranë, me bashkëshorten dhe miqtë e tij.
I pyetur nga Euronews Albania nëse ishte zhgënjyer që përsëri nuk kishte mundur të fitonte këtë çmim, Kadare u përgjigj se nuk kishte asnjë lloj përjetimi.
“Siç e shikoni, nuk kam ndonjë përjetim. 40 vjet më parë edhe mund të kisha”, tha Kadare.
Ndërkohë, bashkëshortja e tij, Helena Kadare, u shpreh se shkrimtaren që fitoi Nobelin nuk e njohin, madje nuk e kanë dëgjuar edhe pse prej shumë vitesh jetojnë në Francë.
“Nuk e njohim shkrimtaren që fitoi Nobelin, edhe pse jetojmë në Francë. S’e kam dëgjuar kurrë, për të njohur jo se jo, por nuk e kam dëgjuar as si emër. Derisa në Nobel është e njëjta juri dhe ka thënë jo 40 vjet, nuk ke pse ta ndryshosh mendimin”, u shpreh shkrimtarja Helena Kadare.
Shkrimtarja franceze Annie Ernaux e fitoi Çmimin Nobel në Letërsi.
https://www.youtube.com/watch?v=Z654jA0R-k8
●●●
LHSHKRIMI NGA
L H
Editorial nga Klan Kosova — ndjek kulturë dhe zhvillimet e tjera kryesore të vendit.
