Kabineti i sigurisë i Izraelit do të mblidhet për të miratuar marrëveshjen e pengjeve, thotë Netanyahu

Zyra e kryeministrit izraelit, Benjamin Netanyahu, konfirmon se është arritur një "marrëveshje për lirimin e pengjeve". Kjo vjen pasi Netanyahu vonoi një votim të kabinetit për miratimin e marrëveshjes së armëpushimit të Gazës, duke akuzuar Hamasin se kërkon ndryshime të minutës së fundit

Kabineti i tij politik i sigurisë do të takohet më vonë të premten dhe qeveria "më pas do të mblidhet për të miratuar marrëveshjen", thotë zyra e Netanyahut, raporton BBC, transmeton Klan Kosova.

Marrëveshja, e shpallur për herë të parë të mërkurën, pritet të hyjë në fuqi të dielën.

Ministria e shëndetësisë në Gaza thotë se dhjetëra palestinezë janë vrarë nga sulmet izraelite që nga njoftimi. Hamasi sulmoi Izraelin jugor më 7 tetor 2023, duke vrarë rreth 1200 njerëz dhe duke marrë 251 si pengje.

Sulmi shkaktoi një ofensivë masive izraelite në Gaza, gjatë së cilës janë vrarë më shumë se 46,000 palestinezë, sipas ministrisë së shëndetësisë të drejtuar nga Hamasi.