K.F. Prishtina ndan rrugët me trajnerin Cavalli

Klubi futbollistik Prishtina ka njoftuar se e ka shkëputur bashkëpunimin me trajnerin Jean-Michel Cavalli. Ata kanë përmendur gjendjen e tij shëndetësore si shkakun kryesor të këtij zhvillimi. “Për shkak të gjendjes shëndetësore dhe pas një marrëveshjeje të përbashkët, FC Prishtina ka vendosur të ndërpresë bashkëpunimin me trajnerin Jean-Michel Cavalli”, thuhet në njoftimin e Prishtinës në Facebook. “E falënderojmë trajnerin Cavalli për përkushtimin dhe kontributin e dhënë gjatë kohës së tij në klub, duke i uruar shëndet të plotë dhe shumë suksese në të ardhmen, si në aspektin personal ashtu edhe profesional”. “Merci, Mr. Cavalli!”