Ish-ylli i Juventusit, Douglas Costa, është shumë pranë finalizimit të rikthimit të tij në futbollin italian duke u bashkuar me klubin e kategorisë së katërt, Chievo Verona.
Ish-përfaqësuesi i Seleçaos tregoi momente brilante gjatë tre viteve të tij në Torino, por kurrë nuk arriti t’i përmbushë plotësisht pritshmëritë fillestare, pjesërisht për shkak të problemeve të shpeshta me dëmtimet.
Costa u rikthye te Bayern Munich për një huazim të shkurtër në vitin 2020, përpara se të luante për klubin e tij të parë Gremio, si edhe për LA Galaxy, Fluminense dhe së fundmi Sydney FC.
Anësori ka qenë pa klub që nga largimi nga skuadra australiane gjatë verës, por lëvizja e tij e radhës ka befasuar të gjithë.
Sipas disa burimeve në futbollin italian, përfshirë Gianluca Di Marzio, Costa ka rënë dakord të bashkohet me Chievo Verona dhe pritet të nënshkruajë kontratën në orët në vijim.
Chievo është ringritur më pas përmes një klubi “feniks”, në pronësi të Pietro Laterza, i cili zotëron gjithashtu Al-Ittifaq, një klub i kategorisë së dytë në Emiratet e Bashkuara Arabe.
Sipas planit, Costa do t’i bashkohet fillimisht skuadrës së Serie D për një periudhë të shkurtër, me qëllim që ta ndihmojë të sigurojë ngjitjen në kategorinë e tretë, përpara se të largohet për t’u transferuar te klubi nga Dubai.
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
