Joshua - Whyte, më 12 gusht në Londër

I pati dy humbje rresht kundër ukrainasit Usyk. Pastaj zgjodhi një kundërshtar jo të nivelit më të lartë. Anthony Joshua ju kthye fitoreve në luftën e fundit që pati kundër amerikanit Franklin të cilin e mposhti me vendim unanim. E kur u mendua që Joshua do të përballej me një boksier të rangut Tyson Fury apo Deontay Wilder, kjo nuk ndodhi. Ai zgjodhi për kundërshtar Dillian Whyte, i cili po ashtu e ka mposhtur kundërshtarin e njëjtë të Joshuas, amerikanin Franklin. Anthony Joshua – Dillian Whyte është përballja e 12 gushtit që do të zhvillohet në O2 Arena në Londër. Joshua ka 25 fitore e 3 humbje, kurse Whyte 29 fitore e 3 humbje. Për shumë kë Joshua është favorit, porse ka edhe të atillë që i besojnë fort grushtit të fortë të Whyte. Joshua humbjet i ka dy nga Usyk dhe një nga Ruiz, kurse White nga Fury, Povetkin dhe nga Joshua. Takimi i tyre i parë pati përfunduar me nokaut teknik të Joshuas në vitin 2015-të. Se si do të jetë dueli i tyre i dytë, mësohet më 12 gusht.