Joe dhe Jill Biden arrijnë në Vatikan nën përcjelljen e mbi 80 automjeteve (VIDEO)

Presidenti amerikan Joe Biden dhe Zonja e Parë Jill Biden kanë mbërritur në Vatikan për një takim me Papa Françeskun ku planifikojnë të diskutojnë mbi pandeminë COVID-19, ndryshimet klimatike dhe varfërinë. Presidenti i SHBA krenohet me besimin e tij katolik, duke e përdorur atë si udhërrëfyes moral për të formuar shumë nga politikat e tij sociale dhe ekonomike. Biden dhe gruaja e tij, Jill, mbërritën në Vatikan me një autokolonë jashtëzakonisht të gjatë me më shumë se 80 automjete, pjesërisht për shkak të kufizimeve italiane të COVID-19 në numrin e njerëzve që përdorin një makinë. Biden u prit nga Imzot Leonardo Sapienza, i cili drejton shtëpinë papale, dhe më pas përshëndeti një nga një anëtarët e papës, ose zotërinjtë papalë, të cilët u rreshtuan në oborr, , raporton AP, transmeton Klankosova.tv. "Është mirë që po kthehem" ,tha Biden ndërsa i shtrëngoi dorën njërit prej tyre. "Unë jam burri i Jillit," i tha ai një tjetri, përpara se të përcilleshin në Pallatin Apostolik me afreske dhe të ngjiteshin lart në bibliotekën private të Papës. Nuk pritej asnjë foto apo video e drejtpërdrejtë e takimit, për shkak të kufizimeve të minutës së fundit të Vatikanit, pa qasje në shtyp. Biden po viziton Romën dhe më pas Glasgowin, Skoci, për samite të njëpasnjëshme, fillimisht një mbledhje për liderët e Grupit të 20 vendeve udhëheqëse dhe në zhvillim dhe më pas një konferencë globale për klimën./Klankosova.tv/. https://www.youtube.com/watch?v=2V6DiJtkQG0