Një incident i pakëndshëm ka përfshirë Al Hilal dhe mbrojtësin e kombëtares portugeze, Joao Cancelo. Sot, në rrjetin social X u shfaq një video që tregon mbrojtësin e djathtë 31-vjeçar të skuadrës saudite Al Hilal dhe ekipit kombëtar të Portugalisë, Joao Cancelo, duke u përleshur ashpër me një pasagjer tjetër në një fluturim - një grindje që përshkallëzoi në konfrontim fizik.Incidenti filloi kur një burrë i panjohur, që udhëtonte në të njëjtin fluturim me Cancelon, filloi ta filmonte futbollistin pa lejen e tij, transmeton Klankosova.tv Cancelo iu afrua burrit dhe me mirësjellje i kërkoi të ndalonte së filmuari, por pasagjeri refuzoi. Pas disa vërejtjeve të lehta nga Cancelo, situata u përshkallëzua. Vetë lojtari ende nuk ka dhënë ndonjë koment për situatën.Cancelo iu bashkua Al Hilal verën e kaluar nga Manchester City në një transferim prej 25 milionë eurosh. Mbrojtësi portugez ka bërë 44 paraqitje për gjigantët sauditë, duke shënuar 3 gola dhe duke dhënë 14 asiste.Kontrata e tij aktuale me klubin është e vlefshme deri në vitin 2027. /Klankosova.tv
●●●
Shpërndaje këtë artikull
VZ
SHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
