Klubi polak i futbollit Lech Poznan është gjobitur me 10 mijë euro të mërkurën nga UEFA për sjellje jo të duhura gjatë ndeshjes kualifikuese të Ligës së Kampionëve kundër Cërvena Zvezdës në stadiumin e Poznanit, kur tifozët polakë shfaqën banerin e madh me shkrimin “Kosova është Serbi”.
Për këtë gjest, polakët u falënderuan nga skuadra serbe Cërvena Zvezda, e cila, në profilin e saj zyrtar në “X” publikoi një foto të banerit dhe shkroi “Faleminderit” në gjuhën polake (“Dziękujemy”), transmeton Klankosova.tv.
Por, duket se falënderimi ishte “sa për sy e faqe”. Kjo për faktin se të martën është zhvilluar ndeshja e kthimit mes dy ekipeve në Beograd, dhe tifozët huliganë “Delije” të Cërvena Zvezdës sulmuan me çka kishin “homologët” e tyre polakë.
Siç raportohet, dhe sipas pamjeve të publikuara, shihet një numër i madh i serbëve, rreth 200, që “pushtojnë” një autostradë për të sulmuar tifozët e Lech Poznan me shkopinj, të cilët ishin nisur për t’u kthyer në shtëpi pas përfundimit të ndeshjes.
Gjithnjë sipas raportimeve, pretendohet se ky reagim i tifozëve serbë ndaj atyre polakë erdhi pasi këta të fundit kishin demoluar një qendër tregtare paraprakisht, në Beograd.
Ndeshja e dytë përfundoi 1-1, por që skuadra serbe kaloi në raundin tjetër të play-offit të Ligës së Kampionëve. /Klankosova.tv
??????
UEFA has fined Poland's Lech Poznań football club €10,000 for displaying a banner that read "Kosovo is Serbia" during a match.
And if that wasn't enough, Lech Poznań was attacked by Delije.
Delije (Crvena Zvezda), with approximately 200 men and equipment, attacked… pic.twitter.com/heJd5qxIqT
— Based Poland ?? (@Poland_Based) August 13, 2025
