Javë e rivaliteteve të mëdha në top katër ligat kryesore të futbollit evropian

"El Clasico" padyshim që mbetet derbi më i fortë në botë. Sa Real Madrid dhe Barcelona ndeshen mes vete, interesimi gjithandej globit është në maksimum. Kjo përballje gjigantësh vjen këtë të shtunë me fillim në orën 21:00, njofton Klankosova.tv. Pos La Ligas, edhe njëri nga top kampionatet evropiane, Serie A, këtë vikend sjell derbin kryesor. "Derbi d'Italia" është përballja titane e dy prej kundërshtarëve më të urryer mes vete. Sfida Inter - Juventus ka sjellur çdo herë shumë tension, polemika e dinamikë të jashtëzakonshme, raporton Klankosova.tv Ballafaqimi i zjarrtë italian zhvillohet të dielen nga ora 18:00. Vetëm gjysmë ore më herët, fillon një tjetër ndeshje e madhe. Vëmendja kryesore e kësaj xhiro në Premier Ligë, s'do mend që është në "Emirates Stadium", aty ku Arsenali e pret Liverpoolin. Rivalitet i vjetër dhe shumë i zjarrtë është edhe ai ndërmjet Marseille dhe Paris Saint German. Ky duel e mbyll javën e përballjeve të të mëdhenjëve, meqenëse zhvillohet të dielen në orën 20:45. Të gjitha këto super shfaqje futbollistike, transmetohet në kanalet sportive të platformës kryesore në vend, Art Motion.