Java e dytë e Superligës në basketboll do të sjellë plot emocione

Java e dytë në ProCredit Superligën e Kosovës në basketboll do të dhurojë sfida interesante. Kjo xhiro hapet me derbin prishtinas që zhvillohet për herë të parë ndërmjet Sigal Prishtinës dhe Borës. Të dy skuadrat kryeqytetase e nisën me humbjen edicionin e ri dhe do të kërkojnë fitoren e parë në këtë kampionat, transmeton Klankosova.tv. Bashkimi e ka ndeshjen e parë në ProCredit Superligë, ku ndeshet me Vëllaznimin, që janë të motivuar për fitoren e dytë, kurse portokallezinjtë për fitoren e parë. Sfidë interesante është mes Trepçës dhe Golden Eagle Yllit, dy finalistëve të “Play-offit” të edicionit të kaluar, thuhet në njoftimin e Federatës së Basketbollit të Kosovës. Ndeshja Peja-Proton Cable Prizreni është shtyrë për shkak të ndeshjeve të skuadrës pejane në kualifikimet e FIBA Europe Cup. ProCredit Superliga-Java 2 : E shtunë 17:15 Sigal Prishtina - Bora E diel 19:00 Bashkimi - Vëllaznimi E mërkurë 19:00 Trepça - Golden Eagle Ylli Peja – Proton Cable Prizreni (është shtyrë)