Java e 11-të në Superligë: Dukagjini dhe Suhareka ndajnë pikët

Dukagjini dhe Suhareka i kanë ndarë pikët në javën e 11-të në Superligën e Kosovës. Ndeshja e zhvilluar në Klinë u mbyll me rezultatin e barabartë 2:2, njofton Klankosova.tv Skuadra vendase kaloi në epërsi me anë të Mimarit në minutën e 22-të. Kurse goli i barazimit u shënua menjëherë nga sulmuesi, Mevlan Zeka. Në pjesën e dytë, dy skuadrat shënuan edhe nga një gol tjetër. Fillimisht Liridon Fetahaj shënoi për mysafirët në minutën e 55-të dhe më pas për 2:2 shënoi Berisha në minutën e 74-të. Dukagjini shkon në kuotën e 11 pikëve në pozitën e 9-të, kurse Suhareka në pozitën e 3-të me 17 pikë. Ndeshja Dukagjini - Suhareka, u transmetua drejtpërdrejtë në kanalin Sport 2 të Artmotion.