Jannik Sinner pezullohet nga tenisi për tre muaj, doli pozitiv në testin e dopingut

Numri një i botës, Jannik Sinner është pezulluar nga tenisi pasi doli pozitiv në testin e dopingut. 23-vjeçari italian, i cili muajin e kaluar fitoi Australian Open, është i pezulluar nga 9 shkurti deri më 4 maj. Ai do të ketë të drejtë të luajë në garën e ardhshme të Grand Slam të vitit, French Open, i cili fillon më 19 maj, transmeton Klankosova.tv Në një deklaratë të shtunën, Wada, thotë se pranon shpjegimin e tij se ai ishte kontaminuar pa dashje me substancën e ndaluar clostebol nga fizioterapisti i tij. Trupi pranon se kampioni i trefishtë i Grand Slam "nuk kishte ndërmend të mashtronte", se ilaçi "nuk dha asnjë përfitim për rritjen e performancës" dhe kjo ndodhi "pa dijeninë e tij si rezultat i neglizhencës së anëtarëve të rrethit të tij".