“Jam Qafir”: Ben Blushi publikon “memen” me të cilën u fye pas publikimit të romanit “Jam Mysliman”

“Jam Mysliman” është romani më i ri i shkrimtarit dhe publicistit të njohur, Ben Blushi, i cili po korr suksese në trojet shqiptare. Por, pos suksesit, autori po përballet edhe me një anë tjetër të medaljes: atë të fyerjeve. Përmes një postimi në Facebook, Blushi publikoi edhe “memet” me të cilat thotë të jetë fyer këto ditë. Mes tyre është edhe ndryshimi i emrit të romanit të tij, nga “Jam Mysliman” në “Jam Qafir”. “Kam premtuar të postoj disa nga memet me të cilat jam fyer gjithë këto ditë nga fanatikë të shumtë. Kjo është njëra prej tyre që ndryshon kopertinën e romanit tim Jam Mysliman duke vënë në gojën time një fyerje”, shkroi Blushi. Ai megjithatë tha se këto veprime e bëjnë të qesh. “Natyrisht që më bën të qesh dhe nuk e marr seriozisht”, shkroi Blushi. /Klankosova.tv