Ja se si të qëndroni larg infeksioneve dhe acarimeve të syve

Kujdesi ndaj syve është më se i nevojshëm pasi shumë lehtë mund të irritohen, sidomos kur ka mot të ndryshueshëm. "Infeksionet që përgjithësisht ndodhin gjatë sezonit të shirave nuk janë vetëm të frikshme, por edhe mjaft të dëmshme," ka thënë Kanchan Naikawadi, drejtor menaxhues dhe specialist i kujdesit shëndetësor në "Indus Health Plus". Naikawadi ka ndarë disa masa të cilat ndihmojnë në parandalimin e infeksioneve të syve, përcjell Klankosova.tv Qëndroni higjienik, mos i ndani me askënd sendet tuaja personale si peshqir, syze, lente kontakti etj. Vishni një palë syze dielli sa herë që dilni nga shtëpia. Ato mbrojnë sytë nga kontakti me çdo substancë të huaj dhe agjentë infektivë si viruset dhe bakteret. Trajtojini sytë tuaj me shumë kujdes, lani ata me ujë të ftohtë çdo ditë dhe mos i fërkoni ashpër pas zgjimit ose gjatë heqjes së lenteve të kontaktit, pasi kjo mund të dëmtojë përgjithmonë kornenë. Mundohuni të mos mbani lente kontakti gjatë motit të ndryshueshëm, pasi ato mund të shkaktojnë tharje ekstreme në sy dhe mund të rezultojnë në skuqje dhe acarim. Hani një dietë të ekuilibruar dhe të shëndetshme, duke mbajtur trupin tuaj të shëndetshëm në mënyrë që të luftoni çdo infeksion.