Ja përse nuk duhet t'i lani dhëmbët menjëherë pasi keni ngrënë ushqim?

Dentistët thonë se larja e dhëmbëve menjëherë pas mëngjesit mund të jetë e rrezikshme. Kjo sepse mund të ju dëmtohen dhëmbët dhe të ju hiqet shkëlqimi i bardhë. Në fakt, të pastrosh dhëmbët pas çdo vakti është një ide e keqe sipas dentistit, Harley Street Dr Richard Marques. "Smalti i çmuar që vesh dhëmbët dobësohet përkohësisht pas ngrënies për shkak të acideve të pranishme në ushqim, kështu që duke i larë menjëherë pasi të hani, rrezikoni ta dëmtoni atë. Ushqimet dhe pijet që janë të pasura me acide konsumojnë smaltin që mbron dhëmbët tuaj, një proces i njohur si erozioni i dhëmbëve. Kjo ndryshon pamjen e dhëmbëve duke i bërë ata më të prirur ndaj prishjes dhe hap derën për bakteret që mund të shkaktojnë prishje." tha ai Sipas Dr Marques smalti është i rëndësishëm sepse është një nga pengesat e trupit që mbron dhëmbët. Ai thotë që smalti nuk mund të restaurohet, kështu që është jetike të kujdeseni për të, raporton Thesun, transmeton Klankosova.tv. "Ju duhet të prisni të paktën 30 minuta pasi të keni ngrënë para se të lani dhëmbët, ose të paktën 10 minuta para se të hani, për të siguruar që përbërësit aktivë në pastën e dhëmbëve të kenë pasur një shans për të bërë punën e tyre dhe për të mbrojtur dhëmbët, dhe kështu smalti është ngurtësuar. " Në vend që të lani dhëmbët pasi të keni ngrënë, mund t'i shpëlani vetëm me ujë, pasi kjo largon mbetjet nga dhëmbët.