Islam Selmani del i pesti në Kampionatin Evropian të karatesë

Komiteti Olimpik i Kosovës ka bërë të ditur se Islam Selmani është radhitur i pesti në Kampionatin Evropian të karatesë. Në një postim në Facebook, KOK-u bën të ditur se Islam Selmani ishte shumë afër podiumit në Kampionatin Evropian të karatesë, që po mbahet në Yerevan të Armenisë. "Karateisti ynë luftoi sot për medaljen e bronztë dhe pavarësisht epërsisë 3:0, në sekondat e fundit pësoi humbje nga armeni, Yura Zalyan, kategoria -61 kg". "Kampioni i Evropës për junior, Selmani, dëshmoi se është e ardhmja e karatesë, sikurse Betim Maliqi që sot fitoi të bronztën", thuhet në njoftim. Nesër të njëjtën medalje e kërkon ekiporja e vajzave, të cilave KOK-u iu uron suksese.