Lajmet e fundit
Arbnor Rifati duke udhëhequr skuadrën e tij[/caption]
Por nga ky edicion, "Prince Caffe Superliga" sërish është e pasuruar me kryetrajnerin karizmatik prizrenas.
Megjithatë, deri te ky momentum, pati goxha skepticizëm edhe nga ana e tij nëse duhet të merret me këtë sport, zyrtarisht.
Në një intervistë eksluzive për Klankosova.tv, pos mbështetjes së familjes së tij, Rifati i falenderohet edhe një personi unik për të, për të cilin thotë të ketë kontribuar shumë për ribashkimin e tij me basketbollin aktiv.
"Ndjesi e jashtëzakonshme të kthehem prapë. Jam i lumtur dhe i gëzuar, pasi të them të drejtën kam kaluar në disa faza të vështira, sa që edhe e kam menduar tërheqjen totale nga basketbolli, bile edhe shuarjen e klubit "Proton Cable Prizreni". Por njerëzit e afërt dhe familja mbi të gjitha, më kanë mbështetur shumë. Kurse, falenderimi im i veçantë shkon për një njeri 'anonim' nga komuniteti basketbollistik, i cili nuk mund ta përshkruaj me fjalë se sa shumë më ka suportuar, dhe ja tani, 'Special One' do rikthehet ne skenë", rrëfen Rifati.
Bashkë me rikthimin e Arbnorit në basketbollin e luajtur, vjen edhe Superkupa e Kosovës, që i paraprinë fillimit të edicionit të ri, 2024/25, raporton Klankosova.tv.
[caption id="attachment_2371667" align="alignnone" width="284"]
Arbnor Rifati, "Proton Cable Prizreni"[/caption]
Në stilin e tij unik, timonjeri i prizrenasëve "bardhë e zi" i çon selame konkrete Pejës, kur pyetet për gjasat në duel me ta, në çerekfinale të turneut që nis me 7 shtator në Prizren.
"Ne Pejën kemi potencial ta mposhtim edhe në "Karagaç". E sigurisht se terreni vendas, shikuesit e adhuruesit e Prizrenit do na e lehtësojnë objektivin tonë. Mendoj se nuk është befasi ta mposhtim Pejën, pasi atë e kam bër shumë herë. Ne e kemi në vitrinë trofeun e Superkupës, të fituar në vitin 2022-23. Edhe tani do të japim gjithçka për ta prezentuar ekipin në mënyrën më të mirë të mundshme. Do të jetë goxha nxehtë" shprehet trajneri i shpallur si më i miri në Kosovë, në vitin 2021.
[caption id="attachment_2371669" align="alignnone" width="194"]
Arbnor Rifati me trofeun e fituar të Superkupës[/caption]
Si do të jetë në edicionin e ri "Proton Cable Prizreni" sipas Rifatit, i cili njihet edhe si ekspert i prurjeve të lojtarëve të huaj në Kosovë?
"Klubi po rritet çdo ditë, e ne sigurisht se këtë politikë do ta vazhdojmë edhe sivjet. Ne jemi të lumtur që si klub kemi arritur shumë për një periudhë të shkurtër, e këtë do e bëjmë edhe sezonin e ri, një ekip cilësor, të huajt poashtu cilësor edhe nje ekip që do garojë çdo ndeshje për fitore", shton "The Special One".
Si e bën të ndjehet fakti që mbetet ndër të rrallët trajner vendor në krye të një skuadre elitare, e shpesh herë ka qenë edhe i vetmi?
"Mendoj se kam dhënë mjaftueshëm si trajner vendor, këtë do ta bëjë prapë, 'fluturime do të ketë sivjet' (e thotë me shaka)".
Unë do të isha më i kenaqur që të gjitha ekipet të kenë ne gjirin e vetë kryetrajnerët vendorë, por edhe trajneret duhet punuar dhe të jenë të gatshëm kur skuadrat ua japin rastin. Këtë e deshmoi edicionin e kaluar prof.Albert Sylejmani, cili udhehoqi Prishtinën në mënyrë fenomenale, duke arritur ta fitojë Ligën Ballkanike", shprehet prizrenasi, si një "fanatik" i produktit vendor.
"Për fund, ua kujtoj se skuadra ime ka me qenë ajo simpatikja, siç edhe e kemi epitetin në basketboll, duke dhënë shumë, duke shfaqur lojëra të mira dhe spektakel, përgjatë tërë kampionatit", përfundon Rifati.
[caption id="attachment_2371671" align="alignnone" width="254"]
Momente gëzimi të Arbnor Rifatit[/caption]
"Proton Cable Prizreni" do ta luaj të shtunën me fillim në orën 17:00, duelin çerekfinal të Superkupës së Kosovës në basketboll, ndaj Pejës, përballje kjo e para zyrtare për Arbnor Rifatin, pas rikthimit në krye të bankinës së skuadrës së tij.
