Ish-trajneri francez, Pascal Dupraz, e ka cilësuar Ousmane Dembele si një nga favoritët kryesorë për të fituar Topin e Artë 2025.
Ai deklaroi se në rast Paris Saint Germain, fiton sonte kundër Chelseat në finalen e Kupës së Botës për Klube më 13 korrik mund ta çojë Dembelen drejt trofeut individual.
Sulmuesi francez ka pasur një sezon mbresëlënës me PSG-në, duke shënuar 35 gola dhe dhënë 16 asistime në 52 paraqitje.
Trajneri deklaroi se Parisit i duhet fitorja ndaj Chelseat, në mënyrë që Dembele të fitojë Topin e Artë.
“Nëse PSG fiton kundër Chelseat, për mua është mbyllur puna, Dembele duhet ta fitojë Topin e Artë”, tha Dupraz.
Ai theksoi se kjo ishte një pikëpamje personale dhe modeste, nga këndvështrimi i një vëzhguesi jashtë skenës së brendshme të futbollit.
Sipas tij, gazetarët që votojnë për çmimin ndonjëherë e interpretojnë ndryshe ndikimin e lojtarëve, veçanërisht në ndeshje të mëdha si finalet.
Megjithatë, një paraqitje e shkëlqyer kundër Chelseat mund të rrisë ndjeshëm shanset e Dembeles për të fituar çmimin më të madh individual në futboll.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
