Ish-mbrojtësi i Barcelonës dhe fitues i Kupës së Botës me Francën, pensionohet në moshën 31 vjeçare

Samuel Umtiti, ish-mbrojtësi i Barcelonës i cili fitoi Kupën e Botës me Francën, është tërhequr nga futbolli në moshën 31-vjeçare. Umtiti kishte kontratën e fundit me klubin e Ligue 1, Lille, por bëri vetëm 13 paraqitje gjatë dy sezoneve, me vitet e fundit të karrierës së tij të penguara nga dëmtimi kronik i kërcit në gju, transmeton Klankosova.tv  “Pas një karriere intensive me ulje-ngritje, ka ardhur koha për të thënë lamtumirë. Dhashë gjithçka nga vetja me pasion dhe nuk pendohem për asgjë”, tha ai në një postim në rrjetet sociale të hënën.  Umtiti kaloi nëpër skuadrën e të rinjve të Lyon dhe bëri 170 paraqitje për skuadrën franceze përpara se t'i bashkohej Barcelonës në vitin 2016, në moshën 22 vjeç. Ai debutoi me Francën atë verë, në fitoren 5-2 ndaj Islandës në çerekfinalen e Kampionatit Evropian Umtiti bëri 133 paraqitje gjatë një periudhe shtatëvjeçare me Barcelonën, ku fitoi shtatë trofe të mëdhenj, përfshirë dy tituj të La Ligës në dy sezone radhazi. / Klankosova.tv