Ish-lojtari i Real Madridit, Sami Khedira e kritikon Viniciusin për sjelljen e tij në El Clasico

Ish-mesfushori i Real Madridit dhe i ekipit kombëtar të Gjermanisë, Sami Khedira, ka folur për incidentin që përfshiu Vinicius Junior gjatë El Clasico në raundin e dhjetë të La Liga-s. Sami Khedira deklaroi se reagimi i brazilianit ndaj zëvendësimit ishte i tepruar dhe i papërshtatshëm. "Mund të jesh i zemëruar me trajnerin, nuk ka asgjë të keqe në këtë. Por është e rëndësishme të mbash mend se je pjesë e ekipit. Rodrygo hyri në fushë dhe duhet ta respektosh vendimin e trajnerit. Emocionet e Vinicius dukeshin tepër intensive, veçanërisht gjuha e trupit të tij. Nuk është kështu si duhet të sillesh", tha Khedira, transmeton Klankosova.tv Në minutën e 72-të, trajneri i Los Blancos, Xabi Alonso, vendosi ta zëvendësonte Viniciusin, duke shkaktuar një reagim të ashpër nga sulmuesi. Vinicius refuzoi t’i shtrëngonte dorën trajnerit, shfaqi emocionet e tij me zë të lartë dhe u drejtua drejt tunelit, duke i habitur ish-lojtarët e klubit. /Klankosova.tv