Ish-basketbollisti i Trepçës: Edhe sot duhet të jetë sllogani "Ne jemi vëllezër"

Ish-basketbollisti i Trepçës, Naim Hajrizi, ka thënë se edhe sot duhet të ketë një frymë të njëjtë në basketbollin kosovar si në vitet e 90-ta mes ekipeve dhe tifozerive. Në Info Magazine të Klan Kosovës, ai ka deklaruar se edhe në ditët e sotme duhet të përdoret slogani "Ne jemi vëllezër". "Në kohën e okupimit kur kemi qenë në vitet 91 dhe 97 kemi pasur shumë takime mes Pejës dhe Trepçës. Rivaliteti në fushë edhe në atë kohë ka qenë shumë i madh. Duke e pasur parasysh edhe presionin qe e kemi pasur nga okupatori që kemi qenë çdo herë të rrezikuar në fushë", ka thënë Hajrizi. "Por prapë se prapë e kemit treguar të tonën që secili ekip mund të fitojë lojën dhe në fund t'ia drejtojmë dorën njëri-tjetrit. Atëherë ka qenë një rivalitet i madh në fushë, mirëpo në tribina nuk ka pasur rivalitet të egër si sot". "Ka qenë një marrëdhënie shumë e mirë, ka qenë një slogan i cili është përmendur nga të gjitha tifozerive ne jemi vëllezër edhe sot duhet me qenë ai slogan", ka thënë Hajrizi. Trepça dhe Peja sonte do të ballafaqohennë ndeshjen e 5-të të serisë finale të Superligës së Kosovës në basketboll. Në palestrën Minatori në Mitrovicë do të zhvillohet ndeshja e 5-të dhe transmetohet direkt në Klan Kosova. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=cbGoBPYqsl0