Interi gati 25 milionë euro për mbrojtësin e Udineses

Inter ka nisur lëvizjet për sezonin e ardhshëm dhe ka vënë në shënjestër mbrojtësin francez Oumar Solet, i cili po kalon një sezon shumë të mirë me Udinesen. Zikaltrit, që po luftojnë për titullin në Serie A, synojnë të përforcojnë repartin defensivë gjatë verës dhe Solet, 26 vjeç, konsiderohet si një profil ideal për skemën e trajnerit përderisa drejtuesit sportivë e ndjekin prej kohësh. Sipas raportimeve nga mediat italiane, transferimi i tij mund të realizohet për rreth 25 milionë euro. Udinese është e hapur për negociata nëse oferta arrin këtë shifër. Me kontratë deri në vitin 2027, Solet ka rritur ndjeshëm vlerën e tij në treg dhe Interi duket i gatshëm të bëjë hapin konkret për ta afruar në “Giuseppe Meazza” gjatë afatit kalimtar veror./Klankosova.tv