Inter synon transferimin e Moussa Diaby, zbardhen detajet e marrëveshjes

Inter po punon për një goditje të rëndësishme në afatin kalimtra veror, teksa sipas La Gazzetta dello Sport, zikaltërit kanë vënë në shënjestër Moussa Diaby. Sulmuesi francez është aktualisht pjesë e Aston Villa, ku u transferua në vitin 2023 nga Bayer Leverkusen. Diaby është 25 vjeç dhe konsiderohet një nga lojtarët më të shpejtë dhe të rrezikshëm në repartin ofensiv në Evropë. Sa i përket çmimit, raportimet nga media italiane bëjnë të ditur se kartoni i tij vlerësohet rreth 50-60 milionë euro, një shifër e lartë, por që Inter është i gatshëm ta diskutojë, qoftë përmes një marrëveshjeje të drejtpërdrejtë apo formule huazimi me detyrim blerjeje. Drejtuesit e klubit italian e shohin Diaby si përforcimin ideal për krahët e sulmit, duke i dhënë më shumë shpejtësi dhe kreativitet ekipit për sezonin e ardhshëm. Negociatat janë në zhvillim dhe mbetet për t’u parë nëse Inter do të arrijë marrëveshje me Aston Villa për një nga emrat më të kërkuar në treg.