Instalacioni i ri i Petrit Halilajt, kritikë ndaj qëndrimeve anti-LGBTQ të qeverisë italiane

Dyshja e artistëve, Petrit Halilaj dhe Alvaro Urbano, e kanë zbuluar një vepër të re arti që kritikon qëndrimin anti-LGBTQ+ të qeverisë italiane me prirje të djathtë. Vepra Ansambli Lunar i Detërave Uprising përfshin 39 skukptura alumini të krijesave fantastike hibride të cilat ndodhen nën një hënë në formë veze. Secila skulpturë pastaj mund të shërbejë si instrument muzikor që mund të luhet në mënyrë ad hoc, duke krijuar tinguj që janë edhe në harmoni por edhe në mosharmoni, shkruan The Art Newspaper. Halilaj ka thënë që instalacioni ka të bëjë me “të ardhmen e queer-it”, dhe për “bashkarinë plurale”. Ai dhe Urbano janë çift edhe në jetë personale por edhe në atë profesionale, mirëpo zakonisht punojnë ndaras. “Si çift të ardhur këtu, dhe po ashtu në lidhje me Italinë politikisht, ishte e rëndësishme ta sillnim një vezë të bërë nga dy djem. Ka vend për të gjithë në shoqëri”, ka thënë Halilaj. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS