Infertiliteti i lidhur me rrezik pak më të lartë të autizmit tek fëmijët

Fëmijët e lindur nga prindër me infertilitet duket se kanë një rrezik paksa të rritur për çrregullimin e spektrit të autizmit (ASD), por kjo lidhje ndërmjetësohet pjesërisht nga faktorë obstetrikë dhe neonatale dhe ndoshta nuk i atribuohet trajtimeve të fertilitetit, sipas rezultateve të një studimi të ri. Në një studim grupor të bazuar në popullatë që përfshinte afërsisht 1.4 milionë fëmijë, rreziku për ASD tek pasardhësit ishte 20 për qind më i madh te pacientët me infertilitet që nuk morën trajtim të fertilitetit krahasuar me pacientët që mbetën shtatzënë pa ndihmë, shkruan Medscape, transmeton Klankosova.tv. Pyetja nëse trajtimet e fertilitetit janë të lidhura me autizmin ka qenë një interes kryesor kërkimor, shkroi Maria Velez, profesoreshë e asociuar e obstetrikës dhe gjinekologjisë në Universitetin Queen's në Kingston, dhe kolegët. Rreth 1 në 6 çifte marrin një diagnozë të infertilitetit dhe rreth 10 milionë foshnja në mbarë botën kanë lindur pas trajtimeve të fertilitetit. Simptomat e ASD-së shfaqen qysh në moshën 18 muajshe. Gjetjet aktuale u publikuan në JAMA Network Open.