Infektimi në adoleshencë me sëmundjen e puthjes, rrezikon zhvillimin e sklerozës së shumëfishtë

Infektimi me 'sëmundjen e puthjes' mund të shkaktojë që disa njerëz të zhvillojnë sklerozë të shumëfishtë (SSH), më vonë në jetën e tyre, zbulon një studim i ri. Studiuesit nga Kolegji Universitar i Londrës në Angli zbuluan se njerëzit që ishin infektuar me mononukleozë në moshë të re, kishin më shumë gjasa të zhvillonin këtë lloj të sklerozës në të ardhmen, përcjell Klankosova.tv. Mononukleoza infektive (mono) shpesh quhet sëmundja e puthjes. Virusi që shkakton mono (virusi Epstein-Barr) përhapet përmes pështymës. Mund ta arrini përmes puthjes, por mund të ekspozoheni edhe duke ndarë një gotë ose enë ushqimore me dikë që ka mono. Megjithatë, mononukleoza nuk është aq ngjitëse sa disa infeksione, siç është ftohja e zakonshme. Më parë, besohej se njerëzit që ishin gjenetikisht në një rrezik më të lartë të saj, kishin më shumë gjasa të vuanin nga një rast serioz i mono nëse ekspozoheshin, megjithëse studiuesit tani e kanë kthyer korrelacionin. Studiuesit zbuluan se të qenit i infektuar me këtë gjendje në fëmijëri ose adoleshencë e vendos dikë më në rrezik për të zhvilluar SSH, rreth një dekadë më vonë. Marrja me mono në moshën e rritur nuk lidhej shumë me një rrezik në rritje të SSH-së. Skleroza e shumëfishtë (SSH) është një sëmundje potencialisht paaftësuese e trurit dhe palcës kurrizore (sistemi nervor qendror). Në SSH, sistemi imunitar sulmon mbështjellësin mbrojtës (myelin) që mbulon fibrat nervore dhe shkakton probleme komunikimi midis trurit dhe pjesës tjetër të trupit tuaj. Përfundimisht, sëmundja mund të shkaktojë dëmtim të përhershëm ose përkeqësim të nervave.