I shtrirë në spital, trajneri i klubit anglez mungon në ndeshjen e sotme ndaj Manchester Utd

Trajneri i Newcastle, Eddie Howe është shtruar në spital dhe do të humbasë ndeshjen e klubit në Premier League ndaj Manchester United që luhet sot. 47-vjeçari shkoi në spital vonë të Premten, pasi ishte "ndjerë keq për disa ditë", tha klubi. "Stafi mjekësor e mbajti Eddie në spital gjatë natës për teste të mëtejshme, të cilat janë në vazhdim. Ai është i vetëdijshëm dhe po flet me familjen e tij dhe po vazhdon të marrë kujdesin e ekspertëve mjekësorë”, njoftoi klubi, transmeton Klankosova.tv Klubi shtoi: "Të gjithë në Newcastle United i shprehin urimet më të mira Eddie për shërim të shpejtë” Deklarata nuk jep detaje të mëtejshme për sëmundjen apo gjendjen e tij. Në mungesë të Howe, ndihmës menaxherët Jason Tindall dhe Graeme Jones do të drejtojnë Newcastle për vizitën e skuadrës së Ruben Amorim në St James' Park. Newcastle aktualisht është në vendin e shtatë në tabelën e Premier League. / Klankosova.tv