Futbollisti Dean Huijsen u prezantua sot si lojtari i ri i Real Madridi.
Eventi u zhvillua në Real Madrid City, me presidentin Florentino Perez, i cili tha se me Huijsen tani janë gati të nisen për në Shtetet e Bashkuara të Amerikës, për t’u përballur me sfidat e radhës.
Mesazh emocionues Dean mori edhe nga familja e tij, të cilët i kujtuan atij se fanellën që mbante veshur e kishte ëndërruar si fëmijë.
"Kemi një ekip të shkëlqyer me lojtarë që kanë shënuar një epokë dhe na kanë lejuar të përjetojmë momente që tani janë pjesë e historisë së klubit tonë dhe historisë së futbollit. Dhe duam të vazhdojmë të ndërtojmë së bashku në rrugën që trashëguam nga figurat e mëdha të Real Madridit gjatë gjithë historisë sonë, me talent të madh dhe lojtarë të jashtëzakonshëm. Sot, ne e mirëpresim Dean Huijsen në Real Madrid”, tha Perez, transmeton Klankosova.tv
Ndryshe, Huijsen - i cili ka lindur në Amsterdam, por është rritur në Malaga - ka shijuar një ngritje meteorike gjatë 12 muajve të fundit, duke shkëlqyer për Bournemouth në Premier League. / Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
