Me anë të fotografive përshkruan historitë e refugjatëve

Enayat Asadi ka treguar eksperiencat e tij si fotoreporter që nga viti 2009. Puna e tij fokusohet tek refugjatët dhe trafikimi me qenie njerëzore. Ai mori çmimin e dytë në ekspozitën me fotografi të vitit 2018 në Stamboll, në kategorinë “Storie News”. "Unë ndjek histori duke dëgjuar më parë veten, pastaj duke vëzhguar ngjarjet rreth meje", tha ai, duke shtuar se kjo është mënyra e vetme për të kuptuar emocionet e vërteta të njerëzve. Karriera e tij filloj në Afganistan, ku si synim kishte ndjekjen e luftës atje. Në vitin 2011 ai u kthye në Iran për të kryer projekte të ndryshme, shkruan Anadolu Agency, përcjellë Klan Kosova. Asadi tregon se ndonjëherë pret me muaj për të bërë një foto. Aktualisht është  duke u fokusuar në refugjatët në kufirin turko-iranian të cilët udhëtojnë për në Greqi. Planet e fotografit  përfshijnë vëzhgimin e përvojave të refugjatëve nga Deti Arab në Pakistan në kufirin perëndimor të Teheranit dhe prej aty në Turqi dhe më në fund në Greqi. Ky organizim mbështetet nga Anadolu Agency. Pjesëmarrja është goxha e madhe pasi kanë aplikuar rreth 37 mijë fotografë në këtë konkurs nga 125 vende të ndryshme. Garat me fotografi mbahen në kategori të ndryshme: lajme, sport, portret, natyrë, ambient, dhe jetë të përditshme.