Hoxhaj: Sot me mendje dhe zemër jam me liderët dhe luftëtarët që padrejtësisht janë në Hagë

Nënkryetari i Kuvendit të Kosovës, Enver Hoxhaj ka uruar qytetarët për Ditën e Çlirimit. Hoxhaj në llogarinë e tij në Facebook ka shpërndarë edhe një fotografi të ish-presidentit Hashim Thaçi dhe ish-kryetarit të PDK-së Kadri Veseli. "Urime Ditën e Çlirimit të gjithë qytetarëve të Kosovës, të gjithë shqiptarëve në Ballkan dhe aleatëve perëndimor! Me mendje dhe me zemër sot jam me arkitektët e lirisë Hashim Thaçi, Kadri Veseli dhe me luftëtarët e UÇK-së, që padrejtësisht po mbahen në Hagë!", ka shkruar Hoxhaj.