Hetuesit e IPK-së arrestojnë të dyshuarin për dhënie ryshfeti ndaj një polici

Inspektorati Policor i Kosovës përkatësisht hetuesit e Departamentit të Hetimeve si vazhdimësi e veprimeve hetimore kanë arrestuar sot edhe qytetarin e përfshirë në rastin “Marrje ryshfeti” nga një zyrtar policor, me dyshimin se qytetari ka kryer veprën penale  “Dhënia e ryshfetit”. Veprimet hetimore janë ndërmarrë në koordinim me Prokurorinë Themelore në Gjakovë kurse të dyshuarit i caktuar masa e ndalimit për 48 orë, njofton policia, përcjell Klankosova.tv. Me udhëzim të Prokurorisë së Gjakovës, IPK-ja kishte iniciuar procedurë penale ndaj qytetarit me dyshimin se i njëjti ka kryer veprën  penale “Dhënia e ryshfetit” duke i ofruar zyrtarit policor 1 mijë euro . Hetuesit e IPK-së  në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast. https://klankosova.tv/gjakove-arrestohet-nje-polic-dyshohet-se-pranoi-1-mije-euro-per-te-plotesuar-dy-vendime-per-kundervajtje/