Hesape të paqëruara me Dritën, lajmërohet Avdyli i Celjes

Lojtari kosovar i Celjes, Milot Avdyli, ka thënë se i ka hesapet e pa qëruar me Dritën nga e cila ishte mposhtur kur luante me Trepçën. Kampionit kosovar i ka rënë të luajë me klubin slloven në kuadër të Ligës së Konferencës. “Kam dashur që të luaj ndaj Dritës në fazën e ligës dhe dëshira ime tashmë është bërë realitet. Ndeshja do të jetë e veçantë sepse do të ballafaqohem me një klub nga vendlindja. Kam disa punë të pakryera me Dritën, sepse kam luajtur dy herë ndaj tyre sa isha lojtar i Trepçës dhe kam humbur në të dyja rastet”, ka deklaruar Avdyli. “Jam i sigurt se këtë herë do të jetë ndryshe. I njoh shumicën e lojtarëve të Dritës, i kam ndjekur edhe ndeshjet e tyre në Evropë, kanë cilësi, por janë padyshim skuadër që mund të mundet”.