Legjenda franceze Thierry Henry komentoi fitoren e Real Madrid ndaj Manchester City, duke theksuar se klubi madrilen ka një efekt të veçantë tek lojtarët që veshin fanellën e tij.
Ish-sulmuesi i Arsenalit dhe i Barcelonas tha se çdo futbollist duket sikur transformohet sapo bëhet pjesë e klubit madrilen.
Sipas tij, historia dhe pesha e fanellës së bardhë i kthen lojtarët në një forcë të vërtetë në fushë, transmeton Klankosova.tv.
“Nuk e di çfarë vendosin në fanellën e Real Madridit. Kur lojtarët e veshin atë, duket sikur shndërrohen në diçka tjetër”, u shpreh Henry, duke theksuar mentalitetin fitues dhe besimin që karakterizon skuadrën spanjolle.
Sipas francezit, kjo është arsyeja pse Reali vazhdon të jetë kaq i rrezikshëm në ndeshjet e mëdha, sidomos në UEFA Champions League, ku shpesh arrin të përmbysë situata të vështira dhe të tregojë karakterin e një klubi me histori të jashtëzakonshme.
