Hendboll: Kosova sonte synon fitore ndaj Britanisë së Madhe

Kombëtarja e Kosovës në hendboll është plotësisht e gatshme për ndeshjen e parë me Britaninë e Madhe. Kosova dhe Britania e Madhe përballen të mërkurën prej orës 20:30 në Pallatin e Rinisë dhe Sportit në Prishtinë. Është kjo ndeshja e parë e raundit promovues të kualifikimeve për Euro 2026. Ndeshja e dytë është të shtunën në Derby të Anglisë. "Dardanët" synojnë që në ndeshjen e parë ta bëjë hapin e madh drejt kualifikimeve të rregullta. Të përzgjedhurit e selektorit, Bujar Qerimi, janë grumbulluar javën e kaluar ku edhe i luajtën dy miqësore me Emiratet e Bashkuara Arabe. "Verdhekaltërit" e kanë vazhduar më pas punën në Prishtinë, ndërsa atmosfera është shumë e mirë. Kombëtarja llogaritet favorite ndaj Britanisë së Madhe, ndërsa këtë duhet ta dëshmojë në fushën e lojës, njofton Federata e Hendbollit transmeton Klankosova.tv Në nëntor, Kosova i luajti dy ndeshje të forta me Sllovakinë në kualifikimet për Botëror. Njërën prej tyre e fitoi, derisa tjetra fitore në Prishtinë synohet të mërkurën mbrëma ndaj Britanisë së Madhe, që në nëntor pësoi dy humbje të thella nga Finlanda. Grupi i lojtarëve është kompletuar të martën dhe të gjithë lojtarët që ishin në listë janë të gatshëm për lojë. Shpresohet edhe në përkrahje të madhe nga tribunat e palestrës në Pallatin e Rinisë dhe Sportit në kryeqytet. Ndeshja do të transmetohet në RTK.