Lajmet e fundit
Qytetari nga Podujeva, Hazir Haziri, është liruar nga burgu i Serbisë ditën e djeshme.
Ai u mbajt në paraburgim për mbi pesë muaj, nga shtatori i vitit të kaluar, si i akuzuar për krime lufte.
Haziri në "Kosova Today" të Klan Kosova dha detaje nga momenti kur u arrestua.
"Unë kam qenë nëpër Serbi edhe më përpara, por atë ditë duke shkuar më ndaluan aty edhe në konsultime dhe dolën dhe më thanë se duhet të shkosh për Beograd. M'i vunë prangat dhe më çuan në Beograd në burg hetues. Një natë ashtu pyetje-përgjigje dhe iu thashë, 'A po më tregoni se për çka unë kështu, nuk mund t'i mbajë këto?' Tha je i akuzuar për krime lufte", u shpreh ai.
Haziri tregoi edhe se si u ndërlidh si i dyshuar për krime lufte.
Po ashtu foli edhe për kushtet brenda burgut.
Hazir Haziri, deklaroi se ka pasur edhe provokime veç pse ishte shqiptar.
"Dola, isha duke shëtitur, dikush më shau por nuk e ndiva se çka më tha, kur u takuam për së dyti brenda rrethit, doli nga rrethi edhe erdhi drejt. Me thanë të drejtën nuk e di a më ka rënë apo jo. Ai dorën e çoi, e unë i rashë në hundë dhe në gojë, e mbuloi gjaku edhe u rrëzua. Më çuan në vetmi dhe nuk më morën në pyetje dhe asgjë hiç", u shpreh ndër të tjera Haziri në Klan Kosova.
Ndiqeni rrëfimin e tij të plotë në vijim:
