Kampioni aktual, gjunjëzohet në ndeshjen e parë.
Los Angeles Lakers ka pësuar humbje në ditën hapëse të sezonit të ri 2020/2021 në NBA.
Ishte rivali nga Kalifornia, Los Angeles Clippers, që mposhti “Engjëjt” me shifrat 116-109, transmeton Klan Kosova.
Më i miri tek fituesit ishte Paul George me 33 pikë, 6 kërcime dhe 3 asistime.
Ndërsa tek humbësit, më i dalluari ishte LeBron James me 22 pikë, 5 kërcime dhe po aq asistime.
Para këtij ballafaqimi, ndeshja që hapi sezonin e ri ishte ajo në mes të Golden State Warriors dhe Brooklyn Nets.
Këta të fundit triumfuan me rezultatin 125-99, të udhëhequr nga Kyrie Irving, që kontribuoi me 26-të pikë.
Edhe në këtë sezon, sikurse në atë paraprak, adhuruesit e “NBA” në Kosovë, kanë mundësinë t’i shohin ndeshjet më të mira në kanalet sportive të platformës “Artmotion”.
●●●
LSHKRIMI NGA
LiZe
Editorial nga Klan Kosova — ndjek sport dhe zhvillimet e tjera kryesore të vendit.
