Hansi Flick mori drejtimin e Barcelonës në vitin 2024 dhe ka dhënë rezultate mbresëlënëse, por trajneri tani ka bërë një deklaratë të habitshme në lidhje me të ardhmen e tij në klub.
Duke folur në një konferencë për shtyp përpara ndeshjes së radhës, Hansi Flick tha se Barcelona mund të jetë vendi i tij i fundit i punës. Ai nuk po shqyrton një transferim në një klub tjetër apo diçka të tillë.
"Nuk po mendoj të kaloj në një klub tjetër apo diçka të tillë. Barcelona mund të bëhet klubi im i fundit dhe puna e fundit e karrierës sime. Jam shumë i lumtur te Barça”, tha Flick.
Më herët u raportua se ishte arritur një marrëveshje me trajnerin aktual Hansi Flick për një zgjatje të kontratës. Laporta konfirmoi se kontrata e re e Flick do të jetë e vlefshme deri në verën e vitit 2027. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
