Hajrulla Çeku i shkruan telegram ngushëllimi familjes së piktorit Daut Berisha

Ministri për Kulturë, Rini dhe Sport, Hajrulla Çeku, i ka shkruar telegram ngushëllimi familjes së piktorit Daut Berisha. Sipas Çekut, Berisha ishte personalitet i veçantë i kulturës dhe artit, njofton Klan Kosova. “Me dhimbje pranova lajmin për ndarjen nga jeta të piktorit Daut Berisha, një prej artistëve më të shquar të kohës sonë”. “Berisha ishte personalitet i veçantë i kulturës dhe artit. Portretet që krijoi, të ekspozuara jo vetëm në vendlindje por edhe në galeritë më prestigjioze jashtë vendit, bëjnë që veprimtaria e tij e frytshme të zërë vend të veçantë në trashëgiminë e pasur të artit botëror”. Tutje,  ministri vlerëson se krijimtaria e tij do të kujtohet gjithmonë ndërsa do të frymëzojë breza të tjerë artistësh. “Ngushëllimet të sinqerta familjes, kolegëve dhe gjithë komunitetit artistik”, përfundon telegrami i Çekut.

klankosova.tv