Hajrizi: Prej fillimit të sezonit e kemi një cak, titulli do të kthehet në Mitrovicë

Basketbollisti kryesor vendor i Trepçës, Drilon Hajrizi mbrëmë ka qenë i ftuar në emisionin ASIST në Klan Kosova. Ai është shprehur i bindur se pas dy finaleve të humbura sivjet Trepça do jetë kampione. “Prej fillimit të sezonit e kemi pas një cak që ta arrijmë të bëhemi kampion. Gjatë rrugës kanë qenë trofetë të cilat i kemi fituar, i kemi dërguar në Mitrovicë, por e kemi cakun e qartë, titulli do të kthehet në Mitrovicë”, u shpreh Hajrizi. Përndryshe, Trepça arriti në finale pasi e mposhti Prishtinën me rezultat 3-0, në gjysmëfinalet e playoff-it. Atje, klubi mitrovicas e pret fituesin e ndeshjes Ylli-Peja.