Hadërgjonaj: E nisëm mirë vitin, fitore që na shërben për ngritjen e moralit

Futbollisti i Kosovës Florent Hadërgjonaj, ka thënë se viti ka nisur mbarë. Ai tha se fitorja prej 4:0 në miqësore kundër Lituanisë do të shërbejë për ngritjen e moralit të "Dardanëve" për ndeshjet e radhës. "Fillim shumë i mirë i vitit. Fitore që na shërben për ngritjen e moralit. Forca Kosova". Mbrëmë në "Fadil Vokrri", Kosova arriti të dhurojë spektakël duke fituar bindshëm ndaj Lituanisë. Për këtë u kujdesën Zemeli, Muriqi dhe Halimi. Në këtë ndeshje ka shkëlqyer futbollisti Arbër Zeneli, që tundi rrjetën dy herë. Ekipi i Bernard Challandes, i ka edhe dy sfida përballë vetës veçse kësaj ndaj dy kundërshtarëve goxha të fortë. Të dielën më 28 mars në kuadër të kualifikimeve për botërorin "Qatar 2022", do të përballet me Suedinë. Kjo ndeshje do të luhet në Prishtinë në stadiumin "Fadil Vokrri". E më pas "Dardanët", do të luajnë ndaj Spanjës. Ndeshja kundër "Furisë së kuqe" do të luhet më 31 mars.