Grushte mes disa personave në Vlorë, godasin edhe një veturë të parkuar

Një konflikt ka ndodhur mbrëmjen e së hënës në bulevardin “Ismail Qemali” në Vlorë. Sipas informacioneve paraprake, disa persona janë përfshirë në një përplasje, duke goditur njëri-tjetrin me grushte dhe duke sulmuar një makinë të parkuar me sende të forta. Menjëherë pas njoftimit, siç raporton TCH, në vendngjarje kanë mbërritur forcat e Policisë, të cilat kanë ndërhyrë për të neutralizuar situatën dhe për të parandaluar përshkallëzimin e konfliktit. Personat e përfshirë janë shoqëruar në polici, ku po merren në pyetje për të sqaruar rrethanat e ngjarjes. /Klankosova.tv