Gripshi për të tretin vit me radhë në Conference League, kualifikohet Astana

Futbollisti shqiptar, Nazmi Gripshi, do të luaj sërish në grupet e UEFA Europa Conference League. Pas dy edicioneve me Ballkanin në këtë nivel garash, durrësaku e arriti një gjë të tillë edhe me skuadrën e Astanas, tek e cila u transferua këtë verë, njofton Klankosova.tv. Ekipi nga Kazakistani ndonëse e humbi ndeshjen e parë 2-0 nga Brann i Norvegjisë, arriti ta përmbys këtë kundërshtar, duke triumfuar 3-0 në duelin e kthimit. Për lojtarin nga Shqipëria, kjo do të jetë hera e tretë radhazi që ai do të paraqitet në Ligën e Konferencës, pasi në dy edicionet e kaluara, këtë e bëri me kampionët e Kosovës, madje vitin e kaluar u përball dy herë me Ballkanin, pikërisht ndaj Astanas, raporton Klankosova.tv. Nazmi Gripshi deri tani ka zhvilluar gjashtë ndeshje me skuadrën kazake, duke realizuar katër gola.