Grapeland Rahoveci fiton ndaj KEK-ut, ngjitja në Superligë vendoset në ndeshjen e tretë

Grapeland Rahoveci e ka mposhtur KEK-un në ndeshjen e dytë të play-offit me rezultat 70-74. Ndonëse e nisën mirë duke e fituar çerekun e parë me rezultat 17:19, Grapeland Rahoveci nuk arriti t’i bënte ballë KEK-ut në çerekun e dytë, pasi vendasit e fituan me rezultat 16:12, njofton Klankosova.tv. Ecurinë e mirë, KEK-u e vazhdoi edhe në çerekun e tretë, ku kësaj radhe e fitoi me tri pikë më shumë, ndërsa interesant ishte 10-minutëshi i fundit. Në çerekun e fundit, rezultati ishte i ngushtë deri në sekondat e fundit, KEK-u e kishte epërsinë prej më shumë se shtatë pikëve, por që në fund, Grapeland Rahoveci arriti që ta shkrinte atë dhe të dilte në epërsi me një treshe në sekondat e fundit të takimit. Skuadra që do të hyjë në Superligën e Kosovës në basketboll do të vendoset në ndeshjen e tretë që do të luhet mes këtyre dy ekipeve.