Goli i Jeton Dushi eliminon Drenicën nga Kupa dhe dërgon Dukagjinin në gjysmëfinale

Jeton Dushi, shënoi golin që pati vlerën e kalimit në gjysmëfinale të Kupës së Kosovës në futboll, duke i sjellë fitore Dukagjinit 1:0 ndaj Drenicës. Ai i shënoi ekipit në të cilin luajti deri para pak javësh. Ndodhi kjo pas 76 minutave lojë në stadiumin 18 qershori në Klinë. Por para se të shënohej ky gol, në pjesën e parë, një mundësi e pati Uka te Drenica si dhe Milicaj në anën tjetër. Dy herë tentoi Osmani nga gjuajtja e lirë por rezultati nuk u ndryshua. Moment i keq për Erlis Frashrin ishte në sekondat e fundit të ndeshjet, ku u bllokua nga Kamara, të cilin e shtyu direkt me dorë në fytyrë për ta bindur gjyqtarin Genc Nuza t'a përjashtoj nga loja me kartonin e dytë të verdhë. Duelet gjysmëfinale, do të mësohen pas hedhjes së shortit, ku edhe Prishtina ka kaluar aty, ndërsa dyshja tjetër mësohet të enjten nga përballjet Trepça '89 - Llapi dhe Istogu - A&N që transmetohen direkt në programet ArtSport në Artmotion.

klankosova.tv