Golden Eagle Ylli ka zhvilluar stërvitjen e parë në Portugali.
Kampionët e Kosovës do të përballen me Benficën e Lisbonës, nesër me fillim nga ora 22:00.
Ndeshjet çerekfinale do të zhvillohen më 21 shtator, dy ditë më pas (23 shtator) zhvillohen gjysmëfinalet dhe më 25 shtator finalja, transmeton Klankosova.tv.
Fituesi i ndeshjes Golden Eagle Ylli-Benfica do të ndeshet me skuadrën qipriote, Keravnos. Ndërsa fituesi i gjysmëfinales Ylli/Benfica - Keravnos do të luajë në finalen kualifikuese me fituesin e gjysmëfinales Budivelnyk/Norrkoping - Bamberg.
Katër skuadrat nga kjo fazë do t’i bashkohet 28 skuadrave për të formuar kështu 32 skuadrat që do të garojnë në edicionin e ri të kësaj gare.
Nëse Ylli nuk arrin në grupet e Ligës së Kampionëve, atëherë do të kualifikohet në grupet e FIBA Europe Cup.
Therandasit janë kampionë të Kosovës në dy vitet e fundit, ndërsa një herë e kanë fituar Ligën Unike dhe Superkupën Mbarëkombëtare.
●●●
LISHKRIMI NGA
L I
Editorial nga Klan Kosova — ndjek sport dhe zhvillimet e tjera kryesore të vendit.
