Golden Eagle Ylli ndeshjet e rregullta i përfundon me fitore

Ka përfunduar ndeshja në mes të Bashkimit dhe Golden Eagle Yllit. Skuadra nga Suhareka ka triumfuar si mysafir me rezultat 77:87, duke i përmbyllur me fitore garat e rregullta. Basketbollistët e Yllit e nisën ndeshjen furishëm, ku qysh në çerekun e parë krijuan epërsi të lartë prej 17 pikësh, 6 me 23, ndërsa kjo pjesë përfundoi 11 me 24. Prizrenasit vazhduan me lojë të mirë dhe dalëngadalë shkrin epërsinë, duke barazuar shifrat në 37 me 37, e më pas kaluan në epërsi 38 me 37, kurse pjesa e parë përfundoi 38 me 40, me një treshe nga Valon Bunjaku. Perioda e tretë nisi e barabartë, por në fund të kësaj pjese kampionët shkëputën në 57 me 67, derisa shifrat pas 30 minutash ishin 62 me 67. Në dhjetë minutat e fundit, suharekasit e ruajtën epërsinë dhe ngadhnjyen me rezultat 77:87. Tek Bashkimi më i miri ishte Daniel Lekndreaj me 31 pikë e 14 kërcime, ndërsa te Ylli më i miri ishte Demetris Morant me dhjetë pikë e 20 kërcime. Bashkimi përfundoi garat e rregullta në pozitën e pestë me 11 fitore e 17 humbje dhe në çerekfinale të “Play-off”-it do të ndeshet me Trepçën, kurse Golden Eagle Ylli në pozitën e tretë me 20 fitore e tetë humbje dhe në çerekfinale do të ndeshet me Vëllaznimin/ Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.