Goditje për Bayern: Gnabry lëndohet jo lehtë

Bayern Munich ka konfirmuar një lajm të keq për skuadrën, pasi Serge Gnabry ka pësuar një lëndim në muskujt aduktorë dhe do të mungojë për një kohë të pacaktuar. Sipas njoftimit zyrtar të klubit dhe raportimeve nga Bundesliga, pas ekzaminimeve mjekësore është konstatuar se sulmuesi gjerman ka një dëmtim në aduktorin e këmbës së djathtë. Bayern ka bërë të ditur se Gnabry do të jetë jashtë fushave për një periudhë të gjatë, pa dhënë një afat të saktë rikuperimi, duke lënë të hapur mundësinë që ai të humbasë një pjesë të rëndësishme të ndeshjeve të mbetura të sezonit. Mungesa e Gnabryt pritet të ndikojë ndjeshëm në repartin ofensiv të Bayernit, duke i dhënë më shumë përgjegjësi lojtarëve të tjerë në sulm në ndeshjet e ardhshme. /Klankosova.tv